التخطي إلى المحتوى الرئيسي

أول الكلام

بسم الله الرحمن الرحيم
أول الكلام نسمى بالرحمن ونصلى على النبى محمد ونقول كل ما يجول فى نفسى
فكرت أكتب لكم ولنقسى شهادة حق ألقى الله عليها
والكلام هنا بالمكشوف وكله بالأصول
أول شئ حزين عشانه هو حالى وحال كتير مننا ربنا يسامحنا ويقوينا على تغيير للأفضل عشان نكون لبنات جيدة يبنى بها صرح مجتمع سليم
ولذا هسأل نفسى شوية أسئلة
ليه كل ما أقرر أطور نفسى أكسل وأسوف
ليه مش عارف أتعود على الحاجات الكويسة المفيدة ْ{يمكن عشان متعبة } يعنى فى الأول بالرغم من إنى تعودت حاجات كتير مش لطيفة فى وقت قصير للغاية_ واحد يجاوب من غير مايقول الشيطان شاطر لأنه بليد وبيسقط
تعرفوا نفسى فى إيه بجد نفسى أكمل ولو مرة واحدة بس برنامج من اللى بعملهم :/حتى فى الشغل من كل 5مهمات أعمل 3 وأجل الباقى
معلش يمكن الكسل محتاج برنامج حقيقى بس كمان المخدرات الذهنية والإجابات من نوع مفيش وقت مفيش فايدة مفيش قدوة تكون السبب وبالرغم من حالةالإنبساط والفرحة لما بعمل حاجة صح مفيدة ومنتظمة مش بكرر نفس التجربة فى
المهم حاجات تجنن العاقل بس ليه مش بغيرها
تانى حاجة مزعلانى ليه سلوكياتنا مش ماشية مع الشعارات اللى بنزعق بيها لحد صوتنا ماراح
واحد تشوفه شكل ولبس ومظهر المتدين ويمكن معتقل على خلفية إنتمائه للمتشددين أوالمحظورين ولما تتعامل معاه ماديا تجد نصابا محترفا -حصلت معايا شخصيا-وواحدة لابسة حجاب وتضرب أكباد الإبل لحضور الدروس والمواعظ وبس تكون فى موضوع كدة محتاج مساعدتها ولو بسيطة تلاقيها عملت بأصلها الدنئ والعيب فيها وليس فى الحجاب وياما شباب وبنات أخذوا مقاب من النوع دة فى الجواز تلاقيها فرشة المصلية وتيجى للواقع لا زوجة تسمع وتطيع ولا ترحمك من طلبات مستفزة وتجدها نكدية عندية وشباب كمان يصلى رابح جاى وهو مش بيراعى الله فى بنت الناس ويمكن عينه زايغة
معلش
وواحد يقول أنا ليبرالى ديمقراطى حر متحرر....! وبسسسسسس
أول ماتقول وجهة نظر يانظرى غير مايقتنع به هو حتى لو كان فى صب الملوخية ياداهية دقى والتهم تنزل على دماغك زى القنابل يا رجعى يامتخلف يا متصدع ويجيك ويحط عليك وإزاى تخالفنى يافسل وتفهم إيه إنت
ويحتكر الصح ولازم تتبعنى يعنى فرعون عملها ماأريكم إلا ما أرى وما أهديكم إلا سبيل الرشاد
معلش
واحد يصدعك عن الشفافية والنزاهة والمصداقية وهو حرامى وغشاش ومرتشى مسئولين كبار بيقولو كلام ضخم يشبه الحنجورى وبعد كم سنة تفوح الروايح العفنة حتى مجال الدعوة والوعظ ودة موضوع نخليه لبكرة عشان الحق أنام القيلولة
مش قلتلكم مش بعرف أكمل للأخر أبدا
معلش
التسميات:

تعليقات

إرسال تعليق

المشاركات الشائعة من هذه المدونة

أين الخلل    ماذا بعد ما جرى  اظن أن شعورا بالصدمة ينتاب كثيرين من المخلصين لهذه الأمة على مختلف مشاربهم الفكرية لما وصل إليه الحال بشأن فجاجة التدني الأخلاقي و السقوط المزري فى ما يسمى بالشخصيات العامة إلامن رحم ربي لكن الأفجع من ذلك من وجهة نظري هو ما انكشف من هشاشة البنيان التربوى وعدم فعاليته عندما يأتى وقت الحاجة والضرورة بالنسبة لقطاعات واسعة من المجتمع فلقد رأينا فجرا فى الخصومة و اجتراء على الحرمات و استهانة بالمقدسات يسفر عن خلل قيمي مفزع لا تخطئه عين و فى مستويات  مختلفة  م ن التعليم  وليست الفاجعة فى أن تجد فئاما من البلطجية ومعتادى الغجرام يتهارشون فيما بينهم على قسمة منهوب أو نحوه بل الطامة التى ينوء العقل بثقلها هو أن ينسحب الحال على أبناء الحالة الإسلامية  فعلى صفحات المواقع الإلكترونية تقع العين على مخاز مؤلمة من فحش و كذب و ولوغ فى الأعراض وقذف للمحصنات  وتزوير أى عار هذا الذى لحق أناس ظلوا زمنا مضرب المثل فى الخلق العالى ويحذو الناس حذوهم ويصلون خلفهم و يتاثرون بهم ترى هل الخلل فى مناهج تربوية متعجلة أثمرت تدينا قشريا مظ...
تعليقان (2)
قراءة المزيد

يا روائح الجمال القديم

بيتك و مطرحك أنا بعتبر المدونة بيتنا القديم - مدرسة الابتدائى - الحب الأول  🍎🍓🍏🌉🍇🍅🍍 بين وقت و التانى أجى اتنسم روائح الماضى الجميل و ادخل مدونات الاصدقاء الكرام  مش حكاية أيام حلوة و أيام مش حلوة بس فعليا اتعلمت كتير فى الدنيا من الناس الافاضل دول و عرفت معانى مهمة و شاركت معاهم و شاركو معايا افكار و مناسبات  هنا فى عالم التدوين يمكنك صنع خيمتك و اختيار جيرانك بخلاف ضوضاء المواقع الأخرى / هنا مساحات فضفضة و فرص التقاء فكر بفكر بشكل محترم 
إرسال تعليق
قراءة المزيد

لماذا تفشل !!

لماذا تفشل الإضرابات فى تحقيق التغيير ؟ لماذا تفشل قيادات المعارضة فى حشد وتعبئة الجماهير خلف الشعارات المتوهجة التى تحرك الصخر فى مواقع أخرى من العالم ؟ هل العيب فى الجماهير - أنا ومن مثلي حاشاكم - أم فى القيادات أم فى المناهج التى يعتقدونها ؟ لماذا تصبح عندنا المعارضة نخبوية... بينما فى كل العالم شعبية ؟ هل صحيح أن الشعب لن يتحرك لأنه مات أم لأنه لا يجد من يتحرك خلفه واثقا في صدقه وثباته أم لأنه لا يعتقد أن الحال ليس بالسوء الذى يجعل التغيير ضروريا ؟ هل من الضروري أن يعدم الشعب قوت يومه ليتحرك وإلا فلم لم تحفزه حريته التى سلبت تماما هل صحيح أن الشعب المصري غير راض عن الحكومة والمعارضة جميعا ويعتبرهم شركاء صفقة واحدة تساؤلات تعصف بذهني من فترة ولولا أنىمللت التاجات لجعلتها تاجا ومررتها لكن الحقيقة أني متحير أبتغى إجابات واضحة عنها ربما وجدت الإجابات يوما ما لكن ترى هل يحدث التغيير قبل ان أجد الإجابات أتصور أن التغيير الذى ننشده لا بد من أن يبدأ على مستوى قناعة الفرد بالمثل العليا لابد أن يكون إقتناع الفرد بمثله وقيمه بالمستوى الذى يدفعه للإنطلاق نحو تحقيقها فى الواقع و إل...
8 تعليقات
قراءة المزيد